لا مؤاخذه

الـقلـعه

----

القلعه مش قالعه لى

و جيت ادوس الركاب الكل قال عالى

حرنانه ليه يا ركوبه مملوكى ع اللى بنوكى

منساسه للى باعوا مهرتك ف السوق و ملوكى يا قاهره بالقهر

ياااااه ! الجو عهر

ف عز عز الضهر

لا مؤاخذه

الـقلـعه

----

القلعه مش قالعه لى

و جيت ادوس الركاب الكل قال عالى

حرنانه ليه يا ركوبه مملوكى ع اللى بنوكى

منساسه للى باعوا مهرتك ف السوق و ملوكى يا قاهره بالقهر

ياااااه ! الجو عُهر

ف عز عز الضهر

In English

I always dream of reaching out to touch as many people as possible. That was why I stopped writing in Classical Arabic and adopted Egyptian Arabic ( dialect ) as early as 1982.I still think that Bairum Eltonsy is responsible for my conversion. And , that is why,I am now translating my thoughts for the benefit of my English speaking friends.
For those who do not know me,probably all the inhabitants of Earth,I would like to introduce my self.
Name: Khamis Ezzelarab
Date of birth :23/7/1963
Occupation: Poet and writer
Qualifications: License of English Art and Education, Alexandria University 1985
Works:تترات مسلسل سارة, تترات مسلسل أولاد الشوارع , أشعار مسلسل بعد الظلام تشرق الشمس ,أشعار مسلسل الفانوس السحرى بطولة محمد الحلو, أشعار مسلسل الحصان الأسود ( بالفصحى) , أشعار مشرحية ديدى فى مخ صعيدى وإعداد وأشعار مسرحية " ملاعيب " لماجد المصرى ونادين ويوسف داود , إعداد وأشعار مسرحية " قاعدين ليه " لسعيد صالح وبشرى ثم أشعار مسرحية " روايح " لفيفى عبده وجمال عبد الناصر
I will translate all this later. do not worry. We are just getting acquainted .

بـسـتفه

همّـه و احنا

----

هُـمّـه هُـمّـه...أمّـه هامّـه

و احنا محنه و زى ما احنا

الله يسامحنا

أمّـه ناقصه دين و هِـمّـه

همّـه علم وإحنا فلم

همّـه ذره و إحنا سلم

همّـه لمه و إحنا غـُمه

همّـه قمّـه و إحنا رمّـه

أمّـه ناقصه دين و همّـه

همّـه غل اسود دفين

و احنا مرمى الهدّافين

همّـه وصلوا لحد فين

واحنا لسه مُجدّفيـن

و حمير بــذمّــه

أمّـه ناقصه دين و همّـه

عنوانى

طرح البيوت

----

ع الناصيه

الشارع اللي حبني و كرهته من قلبي

لسه عافـّه عليه البيوت

و البيوت سافـّه البشر

أحلام كتييييير

و الحزن عارف جدوله نفر، نفر

****

جمب بيتنا

جمب البقاله الشكك

مدنه و خرابه و فرن

أم ابراهيم برطمت : راجع منين الفجر يا فاجر ؟

" ألله أكبر ! "

إشتريت رغيفين.. يمكن أقوم الصبح

****

الدور الأول

قصّوا ضفاير مروه لما شبّـكت إيدها ف إدين ابن الجيران الصبح

بالليل...

شافوها بتغتصب و فـرقوا الشربات

****

الدور التاني

فاتن بتدعك ضهر جوزها و يضحكوا

" ملحوظه "

ما خلفوش لسه

****

الدور التالت

الراديو مش علي كيف ام جابر

كحة الراجل قلق

دلوقتي يتخانقوا علي المصروف و يناموا

****

شقـتنـا

أمي سجادة صلا

مقدرش انجسها بعذابي

كل الكباير ع الورق

يا رب انام !

هجاء

ألف باء

ألفٌ باءْ

و جعلنا من الماءْ.. كلَ ذى حياهْ

و كلَ ذى حياءْ

و عشان كده الجنون بتكره الحٌـما

و عشان كده الجنود بتهجر الحِمى

و عشان كده الكلام كأنه حمحمه

كما قال القدام..." شوف المقدمه "

دعنا نريق الماءْ و نحقن الدماءْ

و ماء الوجه أعنى..يعنى لو كان فيه ماء

ألف ثم باء

و جعلنا من الماءْ كل ذى ثراءْ

ليروى الصحراءَ و كل من فـَقـَـرْ

و عشان كده الغناى بيعرفوا الضجر

و عشان كده النتايه بتركب الدكر

و عشان كده الحكايه مليئه بالعبر

كصفحة السماءْ

عديدة المرايا لكل من نظرْ ..و حطم العماءْ

بل عماءْ ... بـَلـْـع ماء

و الغباءْ حطوه ف وعاءْ للأغانى الحالمه

مش بس قافيه ملزمه

لأ ده احنا جوه الملحمه

و اللحم حب المفرمه و اشتاق

يوصل لبيت الداء و يهد بيت اللوح

وعليا و ع الأعداء يا روح ما بعدك روح

تعرف

أنا خميس العرب..أنا آخر العنقود
كاشف حجاب الطرب..من شطنا لأبنود
شايف ضيا المصباح..النجم عم "صلاح "
شايف ضيا المصباح.. " نجم " اللى عم صلاح
وبدَقة الحداد مبقتش أعمى فؤاد
وبدِقة الحداد مبقتش أعمى .. فؤاد
وشربت م التونسى سكرايه لا تـُنسى
ونديم حميم أنسى ..وردنى ع المورود
والوجد والموجود
ودانى عالى الروض
قرانى علم..ورود
ورّد لى شعرى ورود
وقالى قول يا ولد
البحر ده مالح ؟
أنا قولت لأ مورود
وبالعصا ينضرب يبقى طريق ممدود
أنا خميس العرب معدود ما بين الولاد
إيدك يا عم فؤاد
يا قطب يا جوّاد
ألفين وسبعه سنه وشعرك الولاد
بيهز فينا الوتر ويصحى فينا جماد
يا ابو الحروف الدهب ..لو دمى تاخده مداد
أنا عمرى ما اتردااد ولا امد حرف الألف ف زُحافه باستئساد